مشكلة القدم السكرى و أحدث طرق للعلاج Leave a comment
القدم السكريدايما تلاقي المريض بيسألك _هو يعني إيه يادكتور قدم سكري اللي بنسمعها دي؟؟؟
*حأسألك سؤال الأول أنت مريض سكر بقي لك كتير؟؟
_أه يادكتور من ييجي7__8 سنين كده*طيب أنت حاسس برجلك كويس؟؟؟
_مش قوي يادكتور في أماكن مش حاسس بيها خالص وخصوصا الصوابع
*لو شكيتك كده في رجلك🦶حاسس
_لأ خالص😳 هو أنت شكتني؟؟
*هي دي المشكله عند مريض السكر وده بسبب أن السكر أثر علي أعصاب القدم وخلاك ماتحسش برجلك ولا بصوابعك
_طيب وإيه المشكله يادكتور أني مش حاسس برجلي🤔🤔
*المشكله أنك ممكن تتجرح أو جلد القدم يكون ناشف قوي ويحصل تشقق وجروح في القدم وأنت مش حاسس
وطبعا جروح مريض السكر مش بتخف بسرعه وبتكون عرضه للتلوث وخصوصا القدم والجروح تتلوث وكل ده وأنت مش حاسس
وتوصل لاقدر الله للبتر بعد الشر_ياساتر اللهم أحفظنا 😫😫
طيب أعمل إيه يادكتور علشان أتجنب المشاكل دي🤔🤔🤔
*العنايه ثم العنايه بالقدم
_ممكن تحدد لي أعمل إيه يادكتور تحديدا👌👌
*هأقول لك
1_اول حاجه تغسل رجلك كل يوم بالميه والصابون وتنشفها كويس بفوطه ناشفه وخصوصا بين الصوابع سهله دي??
2_دايما حط كريم مرطب علي القدم بس مش بين الصوابع عشان الجلد مايبقاش ناشف
3_أفحص قدمك يوميا لو مش عارف توطي أو ترفعها حد معاك في البيت يفحصها لك كل يوم
_أنا عايش لوحدي يادكتور😧😧 ماعنديش حد في البيت
*أستخدم مرايه علشان تشوف كل رجلك وممكن تحط المرايه علي الارض أو أي مكان قدامك يريحك وفي مكان النور فيه قوي_طيب أدور علي إيه في رجلي ???
*لاحظ أي تغيير في اللون يعني أحمرار لون أزرق شويه لون غامق& جرح حتي لو كان صغير& قروح في القدم& تشقق في الجلد &كالو أي حاجه غريبه في القدم
4_دايما خلي ضوافر الرجل مقصوصه والقص يكون مستقيم ومش قص عميق
5_البس شرابات قطن وتكون مقاس رجلك
6_أحرص دايما أن رجلك تكون ناشفه ودافيه
7_ماتمشيش حافي أبدا لاجوا البيت ولابرا البيت علشان مافيش حاجه تدخل في رجلك
8_لما تشتري حذاء أشتريه مقاسك مش أكبر ولا أصغر علشان نقلل الأحتكاك مع القدم ويكون الكعب مريح مش عالي قوي ومش علي الارض ويحسسك بأي طوبه في الأرض والجلد يكون طري ومريح
9_أتعود قبل ماتلبس أي حذاء تبص فيه من جوا وتنفضه كمان علشان ممكن يكون فيه أي ماده صلبه تجرح رجلك وأنت مش حاسس
_دي حاجات سهله يادكتور حأبدأ من النهار ده أعملها
*تمام👍🏼👍🏼 وأي حاجه في رجلك جري علي دكتور الجراحهإلي اللقاء في مقال آخرد الهام عبد الفتاح