دايت للمرضعات: Leave a comment
كتير من المرضعات طلبوا مني دايت مناسب بالاضافة اني بدأت استشعر اني هنضرب لو منزلتش الدايت ده😀..
التعليمات مهمة و لازم تقرؤوها مش نروح عالدايت علطول.
*التعليمات:
1-ابدئي الدايت بعد شهرين من الرضاعة:
فترة كافية للبيبي عشان يتأقلم مع الرضاعة و تكوني تعافيتي تماما من مشاكل الولادة.
2-سعراتك يوميا يجب الا تقل عن 1500 سعر:
لو قليتي عن كدة هتدوخي و هتتعبي و اللبن هيقل.
3-اول ما تحسي بالجوع كلي:
بس ابعدي عن العيش و النشويات بشكل عام و الحلويات،كلي تونة لايت او طبق سلطة او بيضة مسلوقة.
4-اتحركي قدر المستطاع:
نطي الحبل او امشي نص ساعة يوميا امشي انشاالله في الشقة.
5-اشربي 10 اكواب من الماء يوميا.
6-قللي السعرات بالتدريج:
بلاش الاستعجال،على مدار اسبوع قللي اكلك و بعدها انتظمي على الدايت ده.
*الدايت:محدش يستكتر الاكل و التزموا بالتعليمات.
-قبل الافطار:
كوب ماء فاتر عليه نصف ليمونة.
-الافطار:
بيضتان مسلوقتان+ثلاث ملاعق كبيرة جبنة فيتا او 3ملاعق كبيرة فول+ثمرة فاكهة+ربع رغيف بلدي.
-بين الوجبتين:
كوب حليب خالي الدسم.
-الغداء:
ورك فرخة مشوي او مسلوق و منزوع الجلد او قطعة لحمة ستيك مشوي او مسلوق او سمكة مشوية او علبة تونة لايت
+
كوب رز بسمتي مسلوق
+
طبق فاصوليا او كوسةاو سبانخ او تورلي( بدون بطاطس )سوتيه او مطبوخ بدون سمن او زيت
+
طبق سلطة
-بين الوجبتين:
ثمرة فاكهة
-العشاء:
علبة زبادي كاملة الدسم+ثمرة موز.