إزاى تمنع الإصابة بالسكر؟ Leave a comment
أزاي تقدر تمنع أو تأخر الاصابه بمرض السكر كمل المقال عشان تعرف
*كتير من الناس بتقول لك يادكتور أنا سكري مش مظبوط وملخبط!!!
انا عندي عوامل كتير تخليني عرضه أن يبجي لي سكر😔
في حلول ممكن أعملها؟؟ولا أسلم أمري لله وأستني لما يجيلي سكر🙄🙄؟؟
ونعم بالله بس طبعا في حلول تقدر تعملها علشان تأخر السكر أو حتي تمنعه وأنت طبيب نفسك
*طيب يادكتور إذا كان كده كده حيجيلي سكر إيه الفايده أني أأخره يعني؟؟
حأقول لك كل ماتقلل الوقت اللي حتعيشه بالسكر وكل ماتقلل مستوي السكر وتخليه طبيعي حتقلل المضاعفات اللي ممكن تحصل لك بسبب السكر
زي إيه؟؟
زي تأثير السكر علي العين &الكلي&الأعصاب&القدم مثلا
*طيب قول لي يادكتور أعمل إيه؟؟
لو تحاليل السكر عندك من100__125 صايم _بعد الاكل أكثر من140وأقل من200
والتركمي من5.7__6.4%
BMI >35 (معدل كتلة الجسم)
حأقول لك السكر جاي جاي كده أسمكprediabetic يعني داخل علي السكر لامحال
مش باقول لك كده علشان أخوفك لا طبعا بأقول لك خلي بالك وخد حرصك
طيب مطلوب منك إيه بقي؟؟؟؟
١ تغير نمط حياتك!!!!!!يعني إيه يعني وزنك لازم ينزل علي الاقل7% من وزنك دلوقتي ولازم تمشي علي نظام غذائي صحي وتقلل من سعراتك الحراريه اليوميه ولو أنت مش عارف أو مش قادر يبقي تزور دكتور تغذيه وتمشي علي تعليماته
٢ لازم تعمل شوية حركه ماينفعش يبقي يومك كله من المكتب للسرير للكنبه تمشي علي الأقل 150 دقيقه في الاسبوع يعني بمعدل 30دقيقه في اليوم علي5. أيام والمشي يكون سريع🏃🏼♂️🏃🏼♂️🏃🏼♂️🏃🏼♂️🏃🏼♂️🏃♀️🏃♀️🏃♀️🏃♀️🏃♀️
٣ممكن تآخد دوا بقي يساعدك لو أنتسمين يعنيBMI>35 وسنك أقل من60سنه
لو أنتي سيده جالها سكر حمل حتأخد Metformin أقراص بمعرفة ومتابعة دكتورك
٤ تحاليلك حتعيدها كل سنه بس الاحسن كل6 شهور ولو بتزيد يبقي كل3شهور 5أطمن علي وظايف الكلي&الكبد&القلب علي الأقل مره كل سنه _
_أكشف علي عينك مره سنويا
وإن شاء الله حتقدر
أنت طبيب نفسك
المراجع
standard of medical care in diabetes &ADA
إلي اللقاء مع د إلهام عبد الفتاح